Kjo paralajmërohet nga një studim i ri i organizatës kërkimore me seli në Londër, Qendra për Reformën Evropiane (CER), i raportuar nga gazeta gjermane Handelsblatt.
Autorët e studimit, Sander Tordoar dhe Brad Setser , argumentojnë se Gjermania është bërë “epiqendra e shokut të dytë kinez “, me kompanitë kineze që po marrin me shpejtësi pjesë të tregut nga prodhuesit gjermanë – jo vetëm në Kinë, por edhe në tregun evropian dhe në pjesën tjetër të botës.
Parlamenti Evropian të martën shtrëngoi më tej rregullat e importit të çelikut për të mbrojtur industrinë evropiane nga çeliku i lirë kinez. Sasia e çelikut që mund të hyjë në BE pa taksa është pothuajse përgjysmuar – në 18.3 milionë ton në vit.
Të gjitha importet që tejkalojnë këtë kuotë i nënshtrohen një tarife prej 50 përqind. Masa synon kryesisht prodhuesit kinezë, por ekonomistët paralajmërojnë se ky do të jetë vetëm një hap i parë pasi problemi i konkurrencës kineze prek një gamë shumë më të gjerë industrish.
Autorët e studimit theksojnë se Gjermania po i diagnostikon gabim problemet e veta. Sipas analizës së tyre, shkaku kryesor i krizës industriale nuk është burokracia apo kostot e larta të energjisë, por strategjia ekonomike e Kinës dhe rritja e madhe e eksporteve.
“Berlini nuk po e mbron veten, edhe pse kjo tronditje minon sigurinë ekonomike të vendit në sektorët kryesorë ”, thuhet në studim.
The post Gjermania po përballet me presion serioz ekonomik për shkak të zgjerimit të eksporteve kineze appeared first on Alsat.