Kapiteni i kombëtares shqiptare të futbollit, Berat Gjimshiti, ka folur para sfidës me Poloninë. Kapiteni u shpreh se të futesh në historinë e Shqipërisë do jetë e mrekullueshme.
“Përvoja në ndeshjet e fundit ka treguar se jemi rritur dhe kemi bërë mirë. Rivalët kanë nivel të lartë, ne do provojmë gjithçka për ëndrrën tonë. Jemi gati, ky është një rast i madh dhe nuk ka shumë rëndësi përvoja. Djersa që lë në fushë të bën të fitosh. Sa e vështirë është të markosh Lewandowskin? Është shumë e vështirë, nuk ka dyshime. Në vitet e fundit ai ka një nivel shumë të lartë, ka një karrierë shumë të gjatë në nivele të larta. Unë nuk jam vetëm, kam ndihmë nga mbrojtja dhe sulmi. Shanset kur futesh në fushë janë të barabarta. Futem në fushë për fitore, ashtu si Kombëtarja. Kemi marrë përvojë që do na ndihmojë. Trajneri vendos skemën, por si mbrojtja dhe sulmi duhet të jenë perfekte për një fitore kundër Polonisë“, tha Gjimshiti.