Një grup aktivistësh të veshur si “Robin Hood” hynë me forcë në një dyqan ushqimor në Montreal të martën në mbrëmje, duke marrë produkte pa paguar. Produktet më pas iu shpërndanë ato personave të pastrehë.
Një organizatë që e quan veten Robins des Ruelles (“Robinët e Rrugicave”) mori përgjegjësinë, duke thënë se rreth 60 persona hynë në një dyqan dhe morën ushqime.
Incidenti nuk ishte i pari. Në dhjetor, anëtarë të të njëjtit grup kishin hyrë me forcë në një dyqan tjetër ushqimor në Montreal të veshur si Babagjyshi dhe elfë, duke marrë ushqimin dhe duke e lënë të mbështjellë si “dhurata” nën një pemë Krishtlindjesh aty pranë.
Kostoja e jetesës është një problem i madh në Kanada. Sipas të dhënave të raportuara nga transmetuesi kanadez CBC, çmimet e ushqimeve u rritën me 4.7% midis nëntorit 2024 dhe 2025, më shumë se dyfishi i normës së përgjithshme të inflacionit.