Nga Sektori për Punë të Brendshme në Tetovë njoftojnë se një grua ka raportuar në policia se është mashtruar dhe se nga ajo në tre raste një person ka marrë rreth 2255 euro, përcjell TV21. Gruaja përmes rrjeteve sociale ka gjetur punë online, ndërsa për angazhim fillimisht është dashur të paguajë një shumë të caktuar, e njëjta ka kuptuar se po mashtrohet pasi një person vazhdimisht ka kërkuar para nga ajo në lidhje me angazhimin e saj.
“Me datë 28.11.2024 në ora 14:30 në DPB Gostivar, një grua 42-vjeçare nga Gostivari ka raportuar se është mashtruar nga një person. Sipas raportit, më 25.11.2024, përmes një rrjeti social, ajo ka gjetur një faqe interneti ku fillimisht duhej të paguante mjete të caktuara dhe të kryente detyra për t’i marrë parat. Sipas raportit, pasi ajo ka paguar gjithsej 170 dollarë në dy raste dhe ka përfunduar detyrat, një person e ka telefonuar dhe i ka kërkuar të paguajë më shumë para, pas së cilës ajo ka kuptuar se ishte mashtruar. Gjithashtu, sipas raportit, pas kësaj ajo ka gjetur një faqe tjetër në internet dhe ka kërkuar ndihmë për t’i kthyer paratë dhe përmes një rrjeti social ka kontaktuar me një person, i cili përmes aplikacionit ka hyrë në aparatin e saj telefonik dhe ka rezervuar 119.000 denarë, nga llogaria e saj bankare dhe më pas i ka telefonuar dhe i ka kërkuar edhe 200.000 denarë të tjera. Po merren masa për zbardhjen e rastit”, thonë nga SPB-Tetovë.
