Kaia Kallas, përfaqësuesja e lartë e BE-së për çështjet e jashtme dhe politikën e sigurisë, tha të martën se nuk besonte se vendet e Bashkimit Evropian ishin gati t’i jepnin Ukrainës një datë të saktë për pranimin e saj, raportoi Reuters.
Në të njëjtën kohë, ajo përcaktoi prioritetet që duhet të ketë Evropa në botën e sotme.
“Ndjesia ime është se shtetet anëtare nuk janë gati të japin një datë specifike”, tha Kallas në një diskutim paneli në Konferencën e Sigurisë në Mynih.
“Duhet bërë shumë punë dhe pastaj, si çështje prioritare dhe urgjente, duhet të veprojmë dhe të tregojmë se Ukraina është pjesë e Evropës”, tha ajo.
Gjatë fjalimit të saj, Kallas pranoi se Evropa sot duhet të vendosë tre përparësi: mbrojtjen, sigurimin e stabilitetit në fqinjësinë e kontinentit dhe ndërtimin e partneriteteve në të gjithë botën.
“Duhet ta dëgjojmë thirrjen për veprim: Evropianë, bashkohuni! Dhe më lejoni të frymëzohem më shumë nga universi Marvel: ‘Heronjtë bëhen nga rrugët që zgjedhin, jo nga fuqitë me të cilat janë të dhuruar’”, përfundoi ajo fjalimin e saj.
The post Kallas nga Mynihu: Nuk e kuptoj pse vendet e BE-së janë të gatshme t’i japin Ukrainës një datë për anëtarësim appeared first on Alsat.