Katër persona, përfshirë një shtetas grek, pronar i një qeni “Pit Bull”, një shtetas i Kosovës, pronar të një qeni nga rasa “American Stafford”, dhe dy shtetas të Maqedonisë si bashkëpunëtorë, do të përballen me ndjekje penale për veprën “Vrasja dhe keqtrajtimi i kafshëve”, që dënohet sipas nenit 233 paragrafi 3 lidhur me paragrafi 1 të Kodit Penal, njofton Prokuroria. Prokuroria ka dorëzuar në Gjykatën Themelore të Manastirit kërkesë për zgjatjen e masës së paraburgimit shtëpiak ndaj shtetasve të Maqedonisë, ndërsa nëse dy shtetasit e huaj, të cilët janë në arrati që nga momenti i kryerjes së veprës, nuk gjenden deri në fillimin e procedurës gjyqësore, prokuroria do të kërkojë që ata të gjykohen në mungesë.
“Prokuroria Themelore e Manastirit ka mbledhur të gjitha provat e nevojshme dhe ka ngritur aktakuzë pasi më 1 nëntor në fshatin Crneec, afër Strezhovës, të pandehurit përfitonin materialisht, duke keqpërdorur dhe duke ekspozuar qentë ndaj vuajtjeve. Sipas aktakuzës, i pandehuri kryesor organizoi një luftë mes dy qenve në oborrin e shtëpisë së të pandehurit të dytë, i cili kishte përgatitur një ring të posaçëm për zhvillimin e betejës. Ngjarjen e ndoqën edhe persona të tjerë nga Kosova, Greqia dhe Maqedonia, të cilët u gjetën nga policia në vendngjarje me para të ndryshme në euro dhe denarë, të destinuara për baste. Si rezultat i luftës, qeni i racës “pit bull” pësoi lëndime të rënda, përfshirë plagë kafshimi me madhësi të ndryshme, dëmtime të rënda në kokë dhe shenja të dukshme të traumës. Provave të mbledhura deri tani tregojnë se bëhet fjalë për një operacion të organizuar, ku ringu për luftën e qenve ishte i përgatitur dhe u gjetën gjurmë që tregojnë se lufta të tilla kishin ndodhur edhe më parë, si dhe ilaçe për dhënien e ndihmës së parë qeneve të lënduar”, thonë mes tjerash nga Prokuroria.