Këshilli Gjyqësor nesër do ta zgjedhë kryetarin e ri, pasi ish-kryetarja Vesna Dameva para një muaji dha dorëheqje të pakthyeshme, ndërsa zgjedhja u shty deri në kompletimin e përbërjes me zgjedhjen e dy anëtarëve të rinj nga radhët e gjyqtarëve.
Kryetari i Këshillit zgjidhet me të paktën 8 vota nga anëtarët e Këshillit. Këshilli përbëhet nga 15 anëtarë, 8 prej të cilëve zgjidhen nga gjyqtarët e radhëve të tyre, 5 zgjidhen nga Kuvendi, 2 nga Presidenti i Shtetit.
Përndryshe, në dhjetor, Kuvendi votoi një raport negativ për punën e Këshillit Gjyqësor, gjë që i hap mundësi Kuvendit shkarkimin e anëtarëve të Këshillit që janë zgjedhur në Parlament. Në intervistën e Vitit të Ri për MIA, kryeministri Hristijan Mickoski tha se kjo përbërje e Këshillit Gjyqësor mund të ketë ligjshmëri, por nuk ka legjitimitet tek qytetarët.