Kryeministri në detyrë i Republikës së Kosovës, Albin Kurti, ishte mysafir i Presidentit të Francës, Emmanuel Macron, në darkën solemne të mbajtur në Pallatin presidencial Élysée në Paris.
Kjo darkë u organizua në kuadër të edicionit të 10-të të Forumit të Paqes, që tradicionalisht mbledh liderë shtetesh, personalitete ndërkombëtare dhe përfaqësues të organizatave globale për të diskutuar mbi paqen, sigurinë dhe bashkëpunimin ndërkombëtar.
Ngjarja në Pallatin Élysée shënon hapjen zyrtare të Forumit, i cili synon të forcojë dialogun dhe bashkëpunimin mes vendeve përballë sfidave globale.
Gjatë qëndrimit në Paris, Kurti pritet të marrë pjesë në sesionet e forumit dhe të zhvillojë takime bilaterale me liderë e përfaqësues të vendeve pjesëmarrëse.
The post Kurti, mysafir i Macronit në Pallatin Élysée appeared first on Alsat.