Limoni është një burim i pasur i vitaminës C dhe lëndëve të tjera ushqyese, prandaj shpesh rekomandohet në dietën e përditshme. Megjithatë, mjekët paralajmërojnë se konsumi i tepërt i këtij fruti mund të ketë pasoja negative për shëndetin e stomakut.
Aciditeti i lartë i limonit mund të irritojë mukozën e stomakut, duke rritur rrezikun e gastritit ose ulçerës. Problemi është edhe më i theksuar nëse limoni konsumohet me stomak bosh. “Acidi në limon mund të irritojë mukozën e stomakut, duke rritur sekretimin e acidit të stomakut, gjë që mund të përkeqësojë simptomat e sëmundjeve si urthi, refluksi dhe gastriti”, shpjegon gastroenterologu Dr. Michael Williams nga Misuri, SHBA.
Konsumi shumë i shpeshtë, sipas ekspertëve, mund të çojë edhe në ulçerë në stomak. Prandaj, përdorimi i moderuar është çelësi, dhe për mbrojtje shtesë të stomakut, rekomandohet të kombinoni limonin me ushqime që neutralizojnë aciditetin.
The post Limoni është i shëndetshëm, por përdorimi i tepërt mund të shkaktojë probleme serioze appeared first on Alsat.