Nga 1 Marsi, metoda e konfirmimit të pagesave online do të ndryshojë. Bankat do të braktisin kodet aktuale OTP me SMS dhe do të prezantojnë mekanizma më modern dhe të sigurt për autentifikim të përmirësuar. Në vend të mesazheve SMS, përdoruesit do të konfirmojnë pagesat me një M-token, kod PIN ose me të dhëna biometrike, siç është gjurmë gishtash ose njohja e fytyrës.
Sistemi i ri bazohet në përdorimin e të paktën dy ose tre elementëve: diçka që përdoruesi e di, diçka që ai zotëron dhe diçka që është e natyrshme për të. Çdo bankë, në përputhje me kornizën ligjore dhe aftësitë e veta teknike, do të përcaktojë në mënyrë të pavarur modelin e autentifikimit, kështu që metoda e konfirmimit mund të ndryshojë nga banka në bankë.
The post Nga 1 marsi bankat heqin OTP me SMS, konfirmimi i pagesave online me M-token, PIN dhe biometrikë appeared first on Alsat.