Sipas informacioneve të siguruara nga TV 24, një shërbim inteligjent i huaj nga fqinjësia ka njoftuar Agjencinë për Siguri Kombëtare (ASN) mbi një vit më parë se ish-zëvendëskryeministrit Artan Grubi i kanosej likuidimi nga një person me të kaluar kriminale. Ky informacion i është përcjellë Ministrisë së Punëve të Brendshme (MPB) dhe më pas Prokurorisë Publike, duke shërbyer si bazë për përpilimin e tri shënimeve zyrtare. Këto dokumente janë bërë argumenti kryesor i prokurorit Daniel Kocev për të kërkuar masën e arrestit shtëpiak, duke argumentuar se siguria e Grubit do të ishte e rrezikuar nëse ai do të dërgohej në paraburgim.
Nga ana tjetër, ndërsa MPB-ja konfirmon se ka ndarë të gjitha të dhënat me Prokurorinë, ata sqarojnë se nuk kanë bërë një vlerësim specifik se ku do të ishte i dyshuari më i sigurt. Drejtori i burgut të Shutkës, Boban Utkovski, ka deklaruar se nga institucioni i tij nuk është kërkuar asnjë kontroll i sigurisë. Megjithatë, Prokuroria ka vlerësuar se arresti shtëpiak me mbikëqyrje 24-orëshe është masa më e përshtatshme, pasi bazuar në informacionet e inteligjencës, shteti nuk mund të garantojë sigurinë e tij brenda ambienteve të burgut.Странска служба ја известила АНБ пред една година дека на Груби му се заканува ликвидација