Buletini Amerikan i Shkencëtarëve Atomikë i ka zhvendosur akrepat e orës së fundit të botës përpara me katër sekonda, duke e çuar simbolikisht botën vetëm 85 sekonda deri në mesnatë, gjë që përfaqëson një katastrofë globale ose apokalips, shkruan CNN .
Ora e Kiametit nuk është një matje e vërtetë e kohës, por një metaforë që tregon rreziqet me të cilat përballet njerëzimi për shkak të zhvillimit të pakontrolluar të shkencës, teknologjisë dhe marrëdhënieve ndërkombëtare.
Mesnata në këtë orë simbolizon momentin e katastrofës së plotë globale.
Kjo orë u projektua në vitin 1947 nga shkencëtarët e shquar J. Robert Oppenheimer, Albert Einstein dhe Eugene Rabinowitz si një paralajmërim për botën rreth kërcënimeve që paraqesin armët bërthamore dhe rreziqeve të tjera moderne. Vlerësimi se sa afër është bota me “mesnatën” përditësohet çdo janar nga Buletini i Shkencëtarëve Atomikë.
Akrepat e orës së kiametit lëvizin përpara ose prapa në varësi të rrethanave të sigurisë globale, siç janë kërcënimet bërthamore, luftërat, ndryshimet klimatike dhe rreziqet teknologjike. Në disa vite, ora mbetet e pandryshuar, që do të thotë se situata globale nuk është përmirësuar ose është përkeqësuar ndjeshëm.
Gjatë vitit 2020, ora u vendos në 100 sekonda para mesnatës dhe mbeti në atë pozicion për tre vitet e ardhshme. Më larg se ç’ka qenë bota që nga apokalipsi ishte në vitin 1991, kur orët u zhvendosën prapa pas përfundimit të Luftës së Ftohtë dhe nënshkrimit të Traktatit për Reduktimin e Armëve Strategjike midis Shteteve të Bashkuara dhe Bashkimit Sovjetik.
Ora e Kiametit u vendos për herë të parë në shtatë minuta para mesnatës në vitin 1947. Lëvizja e sotme e akrepave tregon se ekspertët besojnë se bota është më afër rrezikut global se kurrë më parë.
The post Ora e Kiametit është zhvendosur: Bota vetëm 85 sekonda larg katastrofës globale appeared first on Alsat.