Komunikacioni në të gjitha rrugët shtetërore po zhvillohet pa pengesa dhe në kushte të favorshme, në rrugë kryesisht të thata, njofton Lidhja Auto-Moto e Maqedonisë (LAMM).
Sipas informacioneve të fundit, intensiteti i trafikut në akset rrugore jashtë zonave urbane është mesatar.
Frekuencë e shtuar e automjeteve është regjistruar në vendkalimet kufitare Bogorodicë dhe Dojran, ku koha e pritjes për dalje nga vendi arrin deri në 40 minuta. Në vendkalimet e tjera kufitare, nga ana e Maqedonisë së Veriut, nuk janë evidentuar vonesa më të gjata për hyrje apo dalje.
LAMM u bën thirrje drejtuesve të automjeteve të respektojnë shpejtësinë e lejuar dhe sinjalistikën rrugore, si dhe të drejtojnë me kujdes të shtuar, veçanërisht në segmentet rrugore që kalojnë nëpër lugina, gryka dhe zona malore, ku ekziston rreziku i paraqitjes së rrëshqitjeve të dheut.
Kujdes i veçantë rekomandohet në aksin Katllanovë–Veles, Mavrovë–Dibër–Strugë, Vinicë–Berovë dhe Koçan–Dellçevë.