Në një debat publik të organizuar nga Klubi për Çështje Rinore u diskutua ndikimi i rrjeteve sociale në shëndetin mendor të të rinjve, ku përfaqësues të institucioneve theksuan si përfitimet ashtu edhe rreziqet e përdorimit të tyre të përditshëm.
U ngritën shqetësime për rritjen e ankthit, agresivitetit dhe ekspozimit ndaj përmbajtjeve të dëmshme, ndërsa u propozua edhe mundësia e kufizimit të përdorimit të telefonave në shkolla për të rritur fokusin dhe sigurinë e nxënësve.
Përfaqësues institucionalë dhe të BE-së theksuan se shëndeti mendor i të rinjve duhet të trajtohet si prioritet kombëtar dhe të integrohet në politika, arsim dhe buxhet, duke kërkuar qasje të koordinuar mes të gjitha institucioneve. Në debat u theksua gjithashtu rëndësia e edukimit digjital dhe përdorimit kritik të teknologjisë, me qëllim që rrjetet sociale të shërbejnë si mjet për mësim dhe zhvillim personal, e jo si burim presioni për të rinjtë.