Futbollistët e ekipit kombëtar të Senegalit u bënë kampionë të Afrikës për herë të dytë në histori, pas një fitorjeje 1:0 ndaj Marokut në një nga finalet më dramatike të të gjitha kohërave. Senegali festoi pas kohës shtesë, megjithatë në fund të rrjedhës së rregullt të lojës, ekipi ishte në prag të largimit nga fusha për shkak të vendimeve të gjyqtarit.
Fillimisht, senegalezëve iu anulua një gol i rregullt, dhe më pas u tërbuan nga vendimi i gjyqtarit për të akorduar një penallti të dyshimtë për Marokun në sekondat e fundit. Shumë lojtarë më pas lanë fushën me udhëzimin e trajnerit Pape Tiav dhe u mbyllën në dhomën e zhveshjes, ndërsa pushimi zgjati rreth pesëmbëdhjetë minuta.
Në fund, senegalezët dolën nga dhoma e zhveshjes, Brahim Diaz humbi penalltinë për Marokun dhe në kohën shtesë, Pape Gueje shënoi golin vendimtar, duke i dhënë Senegalit titullin e kampionit të Afrikës.
Vendimi për rikthimin e skuadrës në fushë i atribuohet një legjende të futbollit afrikan, El-Haxhi Diouf, i cili aktualisht shërben si këshilltar në Federatën Senegaleze të Futbollit. Ai ishte në rreshtin e parë pas stolave të zëvendësuesve gjatë finales. Gjatë pushimit, Sadio Mane iu afrua Diouf-it, i cili i pëshpëriti disa fjalë në vesh. Fjalët e tij duket se ishin vendimtare, sepse Mane vrapoi menjëherë në dhomën e zhveshjes dhe i udhëhoqi shokët e ekipit përsëri në fushë.
“El Haxhi Diouf më thirri nga tribunat dhe na tha të vazhdonim të luanim. Pas kësaj, shkova në dhomën e zhveshjes dhe e thirra ekipin përsëri. Klaud la Roj dhe Mamadou Niang më këshilluan gjithashtu të njëjtën gjë”, tha Mane pas ndeshjes.
The post Sadio Mane tregon se si ka bindur futbollistët e Senegalit të kthehen në fushë appeared first on Alsat.