Gazetar: Miki Trajkovski
Nga 12 tetori, “Safe City” do të fillojë të funksionojë edhe në Ohër, Strugë, Dibër dhe Kërçovë. Ministri i brendshëm Toshkovski tha se aktivitetet përgatitore për rregullimin e qendrës komanduese, që do të jetë në funksion të sistemit janë në fazën përfundimtare.
“Kemi dy javë për të përfunduar punën, që duhet bërë për të zbatuar këtë sistem inteligjent në territorin e SPB të Ohrit. Statistikat që kemi janë vërtet shumë të mira në lidhje me atë që kemi si numra deri më tani. Krahasuar me vitin e kaluar, kemi rreth 20% më pak lëndime në aksidente trafiku, që është një përqindje e shkëlqyer. Kemi 34 viktima më pak krahasuar me vitin e kaluar për të njëjtën periudhë. Prandaj, besoj se është koha e duhur për të filluar zbatimin e sistemit inteligjent Safe City në territorin e SPB Ohër.” – Pançe Toshkovski – Ministër i Punëve të Brendshme.
Edhepse fillimisht u njoftua se “Safe City” në Ohër dhe Strugë do të nisnin në fillim të sezonit turistik, kjo nuk ndodhi. Toshkovski thotë se kjo nuk ndodhi, sepse nevojiteshin disa aktivitete të tjera që sistemi të funksiononte siç duhet. Për ekspertët, ky sistem pritet të përmirësojë sigurinë në trafik edhe në këtë rajon.
“Shifrat tregojnë se këtë vit, të paktën deri më sot, numri i viktimave në aksidente rrugore është ulur me një të tretën. Pra, qëllimi është arritur dhe Safe City duhet të zbatohet. Deri në këtë pikë, nuk ka probleme të mëdha në funksionimin e tij. Nuk ka pasur numër të madh ankesash nga qytetarët, dhe për këtë arsye besoj se çdo qytet i ri që do të hyjë në Safe City, do të thotë siguri më e madhe për fëmijët tanë, për të dashurit tanë dhe për sigurinë në trafik në përgjithësi.” – Nikolla Dujoski – ekspert i sigurisë.
“Nuk do të ketë më shpejtësi të lartë në rrugët dhe rrugicat e këtyre katër qyteteve pas 12 tetorit. Qytetarët duhet të jenë veçanërisht të kujdesshëm, përndryshe do të marrin një gjobë përkatëse me anë të SMS-ve”
Sistemi “Safe City” në Maqedoni është në funksion që nga shkurti 2026.
The post “Safe City” zgjerohet në 4 qytete, nga 12 tetori edhe në Strugë e Ohër appeared first on Alsat.