Ministri i Transformimit Digjital, Stefan Andonovski, deklaroi se Shkupi po shndërrohet në një qendër rajonale për diskutime mbi digjitalizimin dhe inovacionin, pas Samitit Digjital të Ballkanit Perëndimor dhe Konferencës Rajonale për E-Tregti, përcjell TV21. Ai theksoi dy arritje kryesore: -Platforma për ndërveprim – tashmë, sipas tij, po e përdorin mbi 76 institucione dhe kompani private, me mbi 2.6 milionë transaksione mujore, që paraqet rritje prej 260% krahasuar me vitin e kaluar. Dhe e dyta: -Krijimi i Qendrës Evropiane për Inovacion Digjital – me mbështetje prej mbi 1 milion euro nga qeveria, e cila do të ndihmojë bizneset e vogla e të mesme me laboratorë, trajnime për inteligjencë artificiale dhe shërbime për transformim digjital.
“Njëra është Platforma për Interoperabilitet. Më shumë se 76 institucione dhe kompani private tashmë janë “të lidhura” në të. Dje mora të dhënat për muajin e kaluar dhe kemi mbi 2.6 milionë transaksione për muajin paraprak, që paraqet një rritje prej 260 për qind krahasuar me vitin e kaluar. Ndryshe nga më parë, për herë të parë janë përfshirë më shumë se 10 kompani në Platformën për Interoperabilitet, që do të thotë shkëmbim më i lehtë, më i shpejtë dhe falas i të dhënave midis tyre dhe midis tyre dhe institucioneve shtetërore”, tha Stefan Andonovski – Ministri I Transformimit Digjital .