Gazetar: Angel Dimovski
Transporti publik i shkatërruar plotësisht, kontejnerë të tejmbushur, mbeturina kudo dhe asnjë sistem pastrimi, shkatërrim i kulturës si dhe i frymës urbane të qytetit, këto janë kritikat që bën kandidatja e LSDM-së për kryetare të Qytetit të Shkupit, Kaja Shukova, për qeverisjen katërvjeçare të VMRO DPMNE-së në nivel lokal.
“Në vend që të qeverisnin me përgjegjësi, ata e sakrifikuan Shkupin për t’i larë hesapet me kryetaren që fillimisht e mbështetën dhe më pas e refuzuan. Sot, çdo bulevard, çdo rrugë, çdo lagje dëshmon për dështimin e tyre. Dhe ne, banorët e Shkupit, nuk do të lejojmë që kjo të ndodhë përsëri”, tha Kaja Shukova LSDM – kandidate për kryetare të Qytetit të Shkupit.
Kandidatja për kryetare të komunës së Butelit, Olivera Lavriniq, thotë se në katër vjet qeverisje të komunës së Butelit, nga kryetari Kostovski, ai ka lënë pas vete vetëm premtime, por që mbetën në letër.
“Kishte premtime kudo, ku është stacioni i ri i policisë, stacioni i ri i zjarrfikësve apo poliklinika që u premtua të hapet menjëherë në ditën e parë të mandatit me lirimin e ndërtesës komunale, jo vetëm që nuk është hapur, por as nuk ka filluar, fondet për kopshtin në Butel që u siguruan nga Qeveria e LSDM-së përmes programit TAV dhe mbetën të papërfunduara, në vend të një ngritjeje kulturore morëm vetëm njoftim”, tha Olivera Lavriniq – kandidate e LSDM-së për kryetare të komunës së Butelit.
Nga LSDM-ja thonë se katër vjet qeverisje lokale e VMRO-DPMNE-së kanë qenë katër vjet zhgënjim për qytetarët, duke shtuar se komunat e udhëhequra nga VMRO-DPMNE janë shndërruar në epiqendër të skemave të tenderëve dhe abuzimeve partiake me paratë publike. /Alsat.mk
The post Shukova: VMRO-ja e sakrifikoi Shkupin për të larë hesapet me kryetaren appeared first on Alsat.