Më shumë se 1,000 persona dyshohet se kanë vdekur pas një rrëshqitjeje dheu në një fshat në Sudanin perëndimor, tha Lëvizja/Ushtria Çlirimtare e Sudanit (SLM).
Grupi rebel tha se u gjet vetëm një i mbijetuar dhe se fshati në zonën e Maleve Marrah, në rajonin e Darfurit, u shkatërrua.
Lideri i SLM-së, Abdelwahid Mohamed Nour, tha në një deklaratë se rrëshqitja e dheut ndodhi të dielën, më 31 gusht, pas disa ditësh me reshje të rrëmbyeshme shiu.
Ai u bëri thirrje Kombeve të Bashkuara dhe agjencive ndërkombëtare të ndihmës për ndihmë në gjetjen e trupave.
SLM kontrollon zonën e vendosur në rajonin e Darfurit në Sudanin perëndimor.
Duke ikur nga lufta civile midis ushtrisë sudaneze dhe Forcave paraushtarake të Mbështetjes së Shpejtë (RSF), banorët kishin kërkuar strehim në zonën e Maleve Marrah, ku ushqimi dhe ilaçet janë të pamjaftueshme.
The post Sudan, mbi 1 mijë viktima nga rrëshqitjet e dheut appeared first on Alsat.