Zjarri në komunën e Makedonski Brod, midis fshatrave Creshnevo, Krapa, Sllatinë dhe Deviç, është vënë nën kontroll.
Që nga ora 18:30, janë regjistruar gjithsej 21 zjarre, tetë prej të cilave janë ende aktive. 12 zjarre janë shuar dhe një është vënë nën kontroll, tha Qendra e Menaxhimit të Krizave (QMK).
Zjarret janë aktive në Nikoliq të Dojranit, në fshatrat Xhidimirci dhe Krushje të Velesit, në fshatin Laski të Vinicës, në fshatin Lokvicë në territorin e komunës së Makedonski Brodit. Zjarre aktive ka edhe në fshatin Çegran të Gostivarit dhe në komunën e Kumanovës – Lipkovës, mbi fshatin Umin Dol drejt fshatit Nikushtak. Nga rajoni i Shkupit, zjarre aktive ka në komunën e Çuçer-Sandevës, në mes të fshatit Gornjani drejt fshatit Bllacë, drejt autostradës dhe në komunën e Shuto Orizarës, në rrugën “Indira Gandi”.
Zjarri në komunën e Makedonski Brod, midis fshatrave Creshnevo, Krapa, Sllatinë dhe Deviç, është vënë nën kontroll.
Janë shuar 12 zjarre, përfshirë zjarrin pranë fshatit Gornjani – komuna e Çuçer Sandevës, pranë stadiumit në Gostivar, në fshatin Perovo në Resnjë, në komunën e Kumanovës, në zonën e fabrikës FZC dhe në zonën e quajtur Parmakovi nivi. Zjarre janë shuar edhe në komunën e Staro Nagoriçanit, pranë fshatrave Pelincë dhe Milutinci, komuna e Kriva Palankës, pranë fshatit Gradec, në zonën e quajtur Gjošinska mala.
Dy zjarre janë shuar në Ohër, pranë fshatit Orovnik dhe vendbanimit Daljan. Në rajonin e Prilepit është shuar zjarri përgjatë rrugës nga hoteli “Salida” deri në Manastir dhe zjarri midis fshatrave Llazhan dhe Ropotovë.
The post Tetë zjarre janë aktive, 12 të shuar, një nën kontroll – QMK zbulon detajet appeared first on Alsat.