Vedat Muriqi ishte ylli i ndeshjes së sotme në La Liga, duke shënuar tre gola për Mallorcan në fitoren e rëndësishme 3-2 ndaj Athletic Bilbao. Me këtë tripletë, sulmuesi kosovar arriti në 14 gola në kampionat, duke u bërë golashënuesi i dytë më i mirë në La Liga.
Muriqi u aktivizua si protagonist që në minutat e para, duke shënuar golin e parë në minutën e 5-të. Ai shënoi edhe dy gola të tjerë, përfshirë një penallti në minutën e 69-të, duke vulosur fitoren e skuadrës së tij.
Me 14 gola, Muriqi kalon emra të mëdhenj si Lamine Yamal dhe Robert Lewandowski, ndërsa vetëm Kylian Mbappé është më lart në renditje me më shumë gola se ai.