Veterinerët dhe inspektorët e ushqimit të Agjencisë së Ushqimit dhe Veterinarisë vitin e kaluar kryen më shumë se 125 mijë inspektime dhe kontrolle të sigurisë së ushqimit dhe ushqimit për kafshë, si dhe mbrojtjes dhe mirëqenies së shëndetit të kafshëve, informoi Agjencia.
Përveç tregtisë së brendshme, kontrollet përfshinë edhe prodhimin, shpërndarjen, shërbimin e ushqimit, si dhe importin dhe eksportin, ku Agjencia lëshoi mbi një mijë gjoba për të cilat mblodhi rreth 620 mijë euro. Gjithashtu, gjatë këtyre kontrolleve, AUV ngriti 10 kallëzime kundërvajtëse dhe tetë penale.
-Frekuenca e kontrolleve zyrtare është kryer në përputhje me kategorizimin e objekteve (operatorëve të ushqimit) sipas rrezikut, ku objektet me rrezik të lartë janë kontrolluar më shpesh sesa ato të kategorizuara si operatorë me rrezik të ulët. Në vitin 2025, nga numri i përgjithshëm, janë kryer gjithsej 47.200 kontrolle në tregtinë e brendshme, në kuadër të inspektimeve të rregullta dhe të jashtëzakonshme, gjatë të cilave janë lëshuar 5.406 vendime, janë ngritur 10 kallëzime kundërvajtëse dhe janë lëshuar 1.073 urdhërpagesa kundërvajtëse me një vlerë totale prej 618.010 eurosh në kundërvlerë denarë. Gjithashtu janë ngritur 8 kallëzime penale, të gjitha në fushën e mbrojtjes dhe mirëqenies së shëndetit të kafshëve, theksuan nga AUV.
Në kuadër të këtyre kontrolleve, u sekuestruan dhe u shkatërruan ushqime të pasigurta si mish dhe produkte mishi, qumësht dhe produkte qumështi, arra, vezë, peshk, ëmbëlsira, pije alkoolike dhe joalkoolike në një sasi totale prej mbi 355 tonësh.
Për më tepër, shërbimet e inspektimit të Agjencisë kryen pak më shumë se 78 mijë kontrolle mbi dërgesat e importuara dhe dërgesat që kalojnë nëpër vend, me ushqim me origjinë shtazore dhe jo-shtazore, produkte dhe materiale që vijnë në kontakt me ushqimin, ushqimin për kafshët dhe kafshët e gjalla.
Në këto kontrolle, tetë dërgesa me ushqim me origjinë jo-shtazore në një sasi prej 69,785 kilogramësh u shkatërruan si të pasigurta, dhe një dërgesë u kthye në vendin eksportues.
Tre dërgesa me ushqim me origjinë shtazore, me një total prej 22 tonësh, u shkatërruan si të pasigurta në kuadër të këtyre kontrolleve. Në të njëjtën periudhë, 16 dërgesa me ushqim me origjinë shtazore u kthyen si të pasigurta.
The post Vitin e kaluar, AUV shkatërroi mbi 355 ton ushqim të pasigurt, duke mbledhur mbi 600,000 euro nga gjobat e lëshuara appeared first on Alsat.