DELEGACIONET e Ukrainës, Rusisë dhe SHBA-së ranë dakord për shkëmbimin e 314 të burgosurve të luftës, njoftoi të enjten i dërguari special i Presidentit të SHBA-së, Steve Witkoff. “Sot, delegacionet e Shteteve të Bashkuara, Ukrainës dhe Rusisë ranë dakord të shkëmbejnë 314 të burgosur, shkëmbimi i parë i tillë në pesë muaj”, shkroi Witkoff në Platformën X. Ai nuk zbuloi se sa të burgosur do të shkëmbente secili vend.
Today, delegations from the United States, Ukraine, and Russia agreed to exchange 314 prisoners—the first such exchange in five months.
This outcome was achieved from peace talks that have been detailed and productive. While significant work remains, steps like this demonstrate…
— Special Envoy Steve Witkoff (@SEPeaceMissions) February 5, 2026
Vazhdimi i negociatave të paqes
“Kjo u arrit nëpërmjet bisedimeve të paqes që ishin të detajuara dhe produktive. Edhe pse ka punë të konsiderueshme përpara, hapa si ky tregojnë se angazhimi i vazhdueshëm diplomatik po sjell rezultate të prekshme dhe po forcon përpjekjet drejt përfundimit të luftës në Ukrainë”, shtoi ai.
Kryenegociatori i Kievit të mërkurën e shpalli gjithashtu ditën e parë të një raundi të ri bisedimesh në Abu Dhabi “produktive”, edhe pse përleshjet në vijën e frontit vazhdojnë. Witkoff njoftoi se negociatat po vazhdojnë dhe se pritet përparim i mëtejshëm në javët e ardhshme, raporton Reuters.
The post Witkoff: Ukraina dhe Rusia bien dakord të shkëmbejnë 314 robër lufte appeared first on Alsat.