Presidenti i Ukrainës, Volodymyr Zelensky, ka zhvilluar një bisedë telefonike me homologun e tij amerikan, Donald Trump, më 25 shkurt. Lajmi u bë i ditur nga këshilltari presidencial ukrainas, Dmytro Lytvyn.
Telefonata vjen në një moment vendimtar, teksa po intensifikohen përpjekjet diplomatike për t’i dhënë fund luftës në Ukrainë dhe për të koordinuar qëndrimet mes Kievit dhe Uashingtonit.
Një ditë më pas, Sekretari i Këshillit të Sigurisë dhe Mbrojtjes Kombëtare të Ukrainës, Rustem Umerov, pritet të takohet në Geneva me të dërguarin special të SHBA-së, Steve Witkoff, si dhe me këshilltarin e Trump, Jared Kushner.
Sipas burimeve, në fokus të takimit do të jetë një “paketë prosperiteti” që synon të mbështesë rimëkëmbjen ekonomike të Ukrainës, si dhe përgatitjet për një takim të mundshëm trepalësh me Rusinë gjatë muajit mars.