Presidenti i Shteteve të Bashkuara, Donald Trump, priti sot në Shtëpinë e Bardhë presidentin ukrainas, Volodymyr Zelensky.
Dy liderët shtrënguan duart dhe pozuan për fotografi para shtypit përpara takimit të tyre në Zyrën Ovale.
Diskutimet pritet të përqendrohen në përpjekjet e SHBA-së për t’i dhënë fund luftës në Ukrainë dhe në nënshkrimin e një marrëveshjeje të rëndësishme për mineralet.
Marrëveshja e propozuar synon t’i ofrojë SHBA-së akses në burimet e pasura minerale të Ukrainës, përfshirë elementet e rralla tokësore, në këmbim të investimeve amerikane dhe, siç shpreson Kievi, garanci konkrete të sigurisë.
Megjithatë, detajet e plota të marrëveshjes mbeten ende të paqarta. Analistët sugjerojnë se kjo lëvizje mund të hapë rrugën për negociata më të gjera paqeje.