Aktivistët italianë nga misioni humanitar “Global Flotilla Sumud” zbarkuan në Itali dhe menjëherë pas mbërritjes ngritën akuza të rënda kundër forcave izraelite, duke e përshkruar trajtimin e tyre gjatë ndalimit si të ashpër dhe poshtërues.
“Pati ngacmime”
“Na trajtuan tmerrësisht. Ne kaluam nga ushtria në polici. Pati ngacmime”, tha Cesare Tofani me të mbërritur në aeroportin Fiumicino të Romës, raporton agjencia e lajmeve ANSA. Grupi prej 18 aktivistësh, të cilët zbarkuan me një fluturim të Turkish Airlines, u pritën nga më shumë se 200 mbështetës me flamuj palestinezë dhe pankarta “Nuk mund ta ndalni erën, lironi Palestinën”.
Aktivistët u transferuan fillimisht nga Eilat në Stamboll me fluturim çarter, nga ku, me ndihmën e konsullatës italiane, mbërritën me fluturime riatdhesimi për në Romë dhe Milano.
Akuza të rënda për dhunë
Yassine Lafram, president i Unionit të Komuniteteve Islamike në Itali, i cili zbarkoi në Milano, i tha gazetës Corriere della Sera se forcat izraelite ishin të dhunshme. “Ata madje u sollën dhunshëm ndaj nesh, duke na drejtuar armët, dhe kjo është absolutisht e papranueshme për ne në një vend që e konsideron veten demokratik”, tha ai.
Të tjerë kanë dhënë rrëfime të ngjashme. “Greta Thunberg ishte mbështjellë me një flamur izraelit dhe parakaloi para ushtarëve. Ata na drejtuan mitralozë”, tha gazetari i pavarur Lorenzo D’Agostino. Kolegu i tij Saverio Tommasi shtoi se atyre iu mohua qasja në një avokat dhe u trajtuan “si majmunë” nga ushtarët.
“Unë dhe Paolo Romano u goditëm shumë fort në shpinë dhe në kokë. Na detyruan të ngrinim dhe ulnim kokat menjëherë, me urdhër të tyre, siç bëhej në cirqet më të këqija të viteve 1920 me majmunë dhe siç nuk duhet bërë kurrë me asnjë qenie të gjallë”, tha Tommasi për “Il Mattino”.
Finalmente @SaverioTommasi , giornalista di https://t.co/NN3zpghRyP, che era a bordo di una delle navi che si è unita alla Global Sumud Flotilla è tornato a casa.
Dopo l’abbordaggio da parte dell’esercito israeliano, è stato portato in un centro detentivo. Una volta rientrato in… pic.twitter.com/TieeEA3IDy— Fanpage.it (@fanpage) October 5, 2025
“Ata më ndryshuan emrin dhe më detyruan të thoja ‘bitini’. Nuk e di përkthimin, por mendoj se do të thotë diçka si idiot ose budalla. Kur u përgjigja, të gjithë ushtarët shpërthyen në të qeshura, sikur poshtërimi fizik dhe verbal i këtyre njerëzve të ishte diçka qesharake”, shtoi ai.
Ndërhyrja e flotiljes
Forcat detare izraelite ndërprenë dhe sekuestruan anije të “Flotiljes Globale Sumud” në fillim të tetorit, duke ndaluar më shumë se 400 aktivistë nga mbi 50 vende. Qëllimi i flotiljes ishte të çonte ndihmë humanitare në Gaza dhe të sfidonte bllokadën izraelite të enklavës.
The post Aktivistët e flotiljes italiane: Forcat izraelite na keqtrajtuan appeared first on Alsat.