Ruben Amorim pati një debutim të suksesshëm në Serie A, duke fituar 2-1 në fushën e Torino në sfidën hapëse të kampionatit si trajner i Milan. Ishte një performancë pozitive për shumicën e kohës edhe pse minutat e fundit ishin zhgënjyese.
“Jam shumë i lumtur. Luajtëm mirë për 75 minuta, pastaj u duk sikur nisi një ndeshje tjetër ku ishim shumë të lodhur”, tha trajneri portugez, që shtoi: “Ne luftuam fizikisht për të luajtur lart në fushë dhe për të bërë presion”.
“Do të na duheshin më shumë ndeshje në parasezon. Në përgjithësi, ishte një ndeshje e mirë, por kemi disa gjëra për të përmirësuar. Pësuam shumë raste në fund. Duhet të jemi më të përqendruar në zonën e penalltisë”, tha Amorim.
“Ka ende shumë gjëra për të përmirësuar në çdo situatë të ndeshjes. Edhe pse ishim më poshtë zonës sonë drejt fundit, pashë një ekip të mire, që u mbrojt me rregull edhe pse pësuam gol në shtesë
Duke folur për Cissè, yllin e ri të kuqezinjve, që shënoi kundër Torino, ai tha: “Ai gjithmonë punon shumë, po humbet peshë dhe kjo është shumë e rëndësishme pas lëndimit të tij”.
“Ai është shumë krenar që është këtu. Ai tregoi cilësi; në pjesën e parë, ai dukej si lojtari ynë më me përvojë, duke pasur parasysh mënyrën se si e shikonte përpara. Jemi shumë të lumtur. Misioni ynë në Milan duhet të jetë fitorja”, tha Amorim.
The post Amorim i kënaqur: Fituam dhe vuajtëm si ekip, në fund ishim shumë të lodhur appeared first on Telesport.