Përveç interesimit të vazhdueshëm të Barcelonës, së fundmi në garë për transferimin e mundshëm të Andrea Cambiaso është futur edhe Manchester United, bën me dije Ekrem Konur.
“Djajtë e Kuq” janë në kërkim të një mbrojtësi të ri të majtë dhe besojnë se italiani mund të përshtatet në mënyrë të përkryer me sistemin e tyre. Në anën tjetër, Barcelona e sheh Cambiaso-n si zëvendësuesin ideal të Alejandro Balde, largimi i të cilit nga katalanasit është i sigurt gjatë merkatos së ardhshme.
Duke qenë se Cambiaso është nën kontratë me Juventusin deri në vitin 2029, largimi i tij nga bardhezinjtë nuk do të jetë edhe aq i lehtë. Sipas medieve italiane, klubi bardhezi pretendon 40 milionë euro për të lënë të lirë Cambiaso-n.
Një shifër kjo mëse e përballueshme për një klub me financa të shëndosha si Manchester United, ndërsa Barcelonës i duhet të bëjë një sforco ekonomike për të bërë të mundur transferimin e tij, duke qenë e detyruar të mbajë nën kontroll shpenzimet për të shmangur problemet financiare.
The post Barcelona dhe Man. United në garë për yllin e Juventusit, bardhezinjtë pretendojnë 40 milionë euro appeared first on Telesport.