Agjencia e Ushqimit dhe Veterinarisë ka arritur të ndalojë hyrjen e afro 50 tonëve produkte ushqimore të pasigurta në vend, si rezultat i kontrolleve të shtuara në pikat kufitare gjatë javës së fundit.
Në pikën kufitare Qafë Thanë, autoritetet veterinare bllokuan 27 ton mish të grirë me origjinë nga Paraguai.
Sipas AUV-së, ky mish vinte nga një subjekt që nuk është i autorizuar prej saj, që nënkupton se nuk i plotëson kushtet minimale të sigurisë dhe mund të rrezikojë shëndetin e konsumatorëve.
Ndërkohë, janë ndaluar edhe 22 ton arra nga Kazakistani, për shkak të mangësive në etiketim dhe mospërmbushjes së standardeve të kërkuara për cilësi dhe siguri.