Kanë përfunduar 3 nga 4 ndeshjet e programuar për ditën e sotme në Premier League, të vlefshme për javën e 36-të dhe të treja janë mbyllur në barazim. Burnley tashmë i rënë në Championship ka barazuar 2-2 ndaj Aston Villa. Ekipi i drejtuar nga Unai Emery është ende në garë për biletën për në Champions League, megjithëse fokusi është tani te finalja e Europa League ndaj Freiburg.
Në rast se fiton Europa League, Aston Villa shkon direkt në Champions League, pavarësisht vendit ku është renditur në Premier League. Për miqtë shënuan Ross Barkley dhe Ollie Watkins. Për vendasit shënuan Jaidon Anthony dhe Zian Flemming. Asnjë minutë për Armando Brojën, që e pa ndeshjen nga stoli.
I njëjti rezultat 2-2 edhe në sfidën tjetër mes Crystal Palace dhe Everton. Për vendasit shënuan Ismaila Sarr dhe Jean-Philippe Mateta. Për miqtë shënuan James Tarkoëski dhe Beto.
Nottingham barazoi 1-1 ndaj Newcastle, duke qenë ende në rrezik për të rënë në Championship. Harvey Barnes shënoi i pari për “Qymyrxhinjtë”, Elliot Anderson barazoi shifrat për vendasit në fund të kohës së rregullt. Pas pak luhet West Ham-Arsenal.
The post Broja sheh nga stoli, Burnley i prish punë Aston Villa-s. Mesditë barazimesh në Premier League (video) appeared first on Telesport.