Pas tre fitoreve në tre ndeshje të Serie A, ekipi i Inter e nis fushatën e Champions League me një ndeshje vendimtare kundër Real Madrid të ish-trajnerit José Mourinho. “Kemi një detyrim të shkruajmë faqe të rëndësishme në historinë e Inter“, thotë trajneri Cristian Chivu.
“Standardet që ka arritur ky klub janë të rëndësishme, kemi një detyrim të vazhdojmë. ‘Bernabeu’ tani është edhe më i bukur, më modern dhe jemi të lumtur që mund të luajmë një ndeshje këtu”, tha trajneri rumun.
Duke folur për Mourinho, ai shtoi: “Për mua, ai është një person i veçantë që pata fatin ta takoja në jetën time. Ai më ndihmoi të kaloja një kohë të vështirë në jetën time dhe nuk do ta harroj kurrë, dhe ndamë kaq shumë momente të mrekullueshme së bashku”.
“Nuk duam ta humbasim identitetin tonë në Bernabeu, duam të jemi dominues. Nuk ka një mënyrë perfekte për t’u përballur me Real Madrid, ata kanë lojtarë që mund të shkaktojnë probleme pavarësisht nga plani i ndeshjes“, tha Chivu.
“Besojmë se 15 pikë nuk janë të mjaftueshme për të shmangur eliminatoret, na duhen të paktën 16. Dhe ndoshta nuk janë të mjaftueshme. Por do ta marrim ndeshje pas ndeshjeje, duke filluar me atë kundër Real Madrid”, tha Chivu.
The post Chivu: Nuk duam ta humbasim identitetin tonë në ‘Bernabeu’, duam të jemi dominues appeared first on Telesport.