Dinamo City mori një rezultat pozitiv në ndeshjen e parë të raundit të dytë të UEFA Conference League, duke barazuar 1-1 në transfertë ndaj Aluminij në Slloveni.
Skuadra e drejtuar nga Ilir Daja e nisi mjaft mirë takimin dhe kaloi në avantazh në minutën e 15-të me Hekuran Berishën. Blutë administruan mirë lojën për pjesën më të madhe të sfidës, por vendasit arritën të barazonin në minutën e 84-t me anë të Vrbanec, duke lënë të hapur çështjen e kualifikimit.
Me këtë barazim, Dinamo City ruan shanse të plota për të siguruar kalimin në raundin e tretë të UEFA Conference League, ku gjithçka do të vendoset në ndeshjen e kthimit.
Sfida Dinamo City – Aluminij do të luhet më 30 korrik, në stadiumin “Elbasan Arena”, duke nisur nga ora 21:00, ku skuadra shqiptare do të synojë të shfrytëzojë mbështetjen e tifozëve për të siguruar një tjetër kualifikim në arenën europiane.
The post Conference League: Dinamos i ikën fitorja nga duart në fund, kualifikimi do të vendoset në “Elbasan Arena” appeared first on Telesport.