Wanda Metropolitano i ka kthyer shpinën Arañas. Ishte një pasdite makthi për Julian Alvarez, i cili qëndroi në stol për ndeshjen e parë të sezonit në shtëpi të Atletico Madrid dhe u fishkëllye para, gjatë dhe pas ndeshjes (një barazim 2-2 kundër Villarreal).
Arsyeja tani dihet mirë: në javët e fundit, sulmuesi argjentinas ka bërë gjithçka që mundet për t’u shitur, duke e vendosur Barcelona-n në krye të listës së tij të favoritëve. Megjithatë, Colchoneros kanë vendosur vazhdimisht një qëndrim mbrojtës, duke shkaktuar një “luftë të ftohtë” të vërtetë me klubin Blaugrana.
Fishkëllimat e fundjavës, megjithatë, duket se kanë thelluar një plagë tashmë të thellë, aq sa tek Atletico Madrid tani po pyesin veten se çfarë kuptimi ka në mbajtjen e një lojtari të pakënaqur të cilit i është kthyer kundër e gjithë tifozeria.
Për këtë arsye, raporton The Athletic, klubi madrilen po e shqyrton seriozisht shitjen e Julian Alvarez, me kusht që të marrë një ofertë prej rreth 150 milionë eurosh.
Në orët e fundit, kur u pyet për mundësinë e nënshkrimit të një qendërsulmuesi, trajneri i Barcelona-s, Hansi Flick, tha se do të fliste me drejtorin sportiv Deco për të parë nëse kishte një mundësi për të forcuar skuadrën. Pavarësisht kësaj, vetoja për transferimin në Katalonjë duket e qartë.
Megjithatë, Arsenali mbetet në prapaskenë dhe mund të përfitojë nga ditët e fundit të merkatos nga një Alvarez gjithnjë e më i trishtuar dhe i pakënaqur.
The post Dorëzohet Atletico, pranon të shesë Alvarez. Shifra që kërkon është e frikshme appeared first on Telesport.