Edhe pse presidenti i Inter, Beppe Marotta, kishte deklarua më herët se një eliminim nga Champions League nuk do të krijojë ndonjë tërmet financiar, të zikaltërit situata duket ndryshe. Eliminimi që në këtë fazë do të sjellë një mungesë prej rreth njëzet milionë eurosh.
Njëmbëdhjetë milionë, të garantuara nga kualifikimi i humbur për raundin e 16-të, dhe rreth nëntë milionë që do të kishin ardhur nga të ardhurat e biletave. Sigurisht që Inter do të jetë në gjendje ta kompensojë gjatë rrugës, por kjo është një goditje e madhe për klubin.
Inter do të jetë në gjendje ta kompensojë pjesërisht humbjen me një triumf në Kupën e Italisë dhe të titullit kampion. Por edhe këto duhet të fitohen në fushë dhe, në çdo rast, nuk do ta kompensonin 100% humbjen. Prandaj, klubi po mendon që tani për ndonjë shitje për të kompesuar dëmin.
Lista e largimeve të mundshme mund të jetë e gjatë ose e shkurtër, shumica e së cilës padyshim varet nga ofertat që vijnë. Megjithatë, disa të paprekshëm mund të mos jenë më të tillë. Thuram, Calhanoglu dhe Barella vijnë nga një sezon jo shumë pozitiv.
Kanë mbetur ende disa muaj dhe gjithçka mund të ndodhë, por skuadra e Inter e këtij viti ka treguar se edhe zëvendësuesit janë paraqitur mirë dhe se ata janë brenda ekipit. Sezoni i ardhshëm do të jetë i Pio Esposito, gjë që në mënyrë të pashmangshme mund të zvogëlojë kohën e lojës së Marcus Thuram.
Ndërkohë, Calhanoglu ka mbetur me Inter pas javësh thashethemesh se donte të kthehej në Turqi, gjë që mund të ndodhë verën e ardhshme. Frattesi, gjithmonë në sy të klubeve të ndryshme, mund të jetë gjithashtu një i sakrifikuar. Ndërsa bilanci do të korrigjohet në muajt në vijim është po aq e pamohueshme që deficiti prej 20 milionë eurosh në të ardhura duhet të zëvendësohet.
The post Eliminimi nga Champions tkurr buxhetin e Inter, klubi i detyruar të shesë në verë për të kompesuar humbjet appeared first on Telesport.