Ka nisur sot zyrtarisht rruga drejt titullit kampion për sezonin 2025/2026 në Abissnet Superiore. Ndeshja e parë e luajtur në “Air Albania” mes Vllaznisë dhe Dinamos është mbyllur me rezultatin 0-2 në favor të “Bluve”.
Pjesa e parë ishte e qetë dhe pa ndonjë rrezik serioz për të dyja ekipet. U mbyll 0-0. Në minutën e 69-të, Vllaznia mbetet me një lojtar më pak pasi Melos Bajrami ndëshkohet me kartonin e dytë të verdhë, pas faullit ndaj Bernard Berishës.
Ky karton i kuq vendosi edhe fatin e ndeshjes, pas pak minuta më pas, Dinamo duke shfrytëzuar më së miri avatazhin numerik gjeti edhe avantazhin në rezultat. Ishte Malomo i cili zhbllokoi shifrat në minutën e 77-të, pas asistit të Qardakut. Në minutën e fundit shtesë, James dyfishon shifrat.
Dinamo fiton 0-2 dhe e nis me këmbë të mbarë. Vllaznia që vinte si favorite në këtë takim, e nis me humbje. Nesër luhet ndeshja tjetër mes Elbasanit dhe Egnatias.
The post “Final Four” nis me surpriza, Dinamo befason Vllazninë në ndeshjen e parë. Një karton i kuq vendosi fatin e takimit appeared first on Telesport.