“Nuk kam thënë kurrë se Ferrari është ëndrra ime, nuk e kam thënë kurrë,” pohoi Christian Horner në podkastin ‘The Race’, duke iu referuar intervistës së përfolur gjerësisht, të botuar pak javë më parë nga ‘The Times’.
“Momenti kur doli e gjithë ajo histori ishte vërtet i pafat. I dhashë një intervistë dikujt që është tifoz i madh i Leëis Hamiltont dhe folëm për skuadra të ndryshme, përfshirë Ferrari”, shtoi Horner.
“U përpoqa të tregoja respekt ndaj Ferrari dhe vlen të theksohet se ato komente janë bërë rreth një muaj para se të publikoheshin në të vërtetë. Por titulli ishte i sforcuar; ajo që doja të thoja ishte thjesht se Ferrari zë një vend të veçantë në sportin tonë”, tha ai.
Horner ishte veçanërisht i shqetësuar për presionin që ai titull i krijoi Fred Vasseur: “Intervista, e kombinuar me atë që po ndodhte lidhur me pilotët e tyre, shkaktoi një lloj stuhie. Më erdhi keq për Fred; e di se çfarë do të thotë të drejtosh një skuadër që ndodhet nën presion të madh.”
Horner e bëri të qartë se nuk e sheh Maranello si një destinacion të mundshëm për të ardhmen. “Ferrari ka një ndikim të jashtëzakonshëm në F1. Këtë vit kanë një shasi të shkëlqyer edhe pse janë pak prapa sa i përket fuqisë së motorit”, tha ish-shefi i Red Bull.
“Të gjithë do të donin t’i shihnin sërish të fitonin. Por sa më përket mua, jam i përqendruar te opsione të tjera. Natyrisht, të lidhesh me emrin Ferrari është një nder i madh, por nuk kam ndërmend ta marr atë punë”, tha Horner.
The post Horner: I lumtur që më përmendet emri, por nuk e kam kërkuar kurrë vendin e Vasseur te Ferrari appeared first on Telesport.