Në ndeshjen e parë çerekfinale Interi ka mposhtur Bayern Munich me rezultat 2 me 1.
Golin e parë për Interin e shënoi Lautaro Martinez me asistim të Marcus Thuramnë minutën e 38 të pjesës së parë
Kësisoj 45 minutat e para të ndeshjes u mbyllën me epërsinë minimale të Interit 0-1.
Në pjesën e dytë bavarezët shtuan presionin në ofensivë duke sulmuar me të gjitha forcat.
Harry Kane dhe Michel Olise sërish krijuan raste të mira, por pa sukses.
Vendasit golin e barazimit e gjetën në minutën e 84-të të ndeshjes.
Konard Laimer asistoi bukur për veteranin Thomas Muller i cili u gjend bukur afër golit dhe realizoi për 1-1.
Por gëzimi i vendasve nuk zgjati më shumë se pesë minuta, pasi Interi e gjeti sërish golin.
Pas një kundërsulmi të shpejtë, Carlos Augusto asistoi te Davide Frattesi i cili nga afërsia shënoi për 1-2.
Deri në fund gola më nuk pati dhe Interi mori një fitore të madhe në Munich, duke bërë një hap gjigant për gjysmëfinalen e Ligës së Kampionëve.
Ndeshja e kthimit zhvillohet në Giuseppe Meazza të mërkurën e ardhshme.