Me kualifikimin në 1/8 finale të Ligës së Kampionëve, tashmë të siguruar, Barcelona do të presë në shtëpi Valencian këtë të diel në La Liga, me detyrën për ta ndryshuar dinamikën e saj në kompeticionin vendas.
Formati i ri i Ligës së Kampionëve ofron variacione të rëndësishme krahasuar me atë të kaluarin. Një nga këto ndryshime është shorti i veçantë për të përcaktuar ndeshjet e “play-off”-it dhe 1/8 finale.
Nëse Barcelona përfundon e para ose e dyta, ajo do të jetë në një pjesë të renditjes, e ngjashme me atë të turneve të tenisit. Kështu, nëse Barcelona e mbyll grupin siç është aktualisht, Liverpool-i dhe Barcelona mund të përballen vetëm në një finalë hipotetike.
Sa i përket 1/8 finale, Barcelona do të përballet me fituesin e duelit midis ekipeve të renditura në vendin e 17-të dhe 18-të, ose 15 dhe 16 në “play-off”. Aktualisht, këto ekipe janë Brugge-Benfica dhe Milan-PSV. Kështu, në varësi të pjesës së tabelës ku bie, Barcelona mund të përballet me Brugge, Benfica ose me fituesin e ndeshjes Milan-PSV.
Megjithatë, gjithçka mund të ndryshojë në varësi të rezultateve të kësaj mërkure dhe atyre të fundit të javës së ardhshme. Pozita e Barcelonës mund të përmirësohet nëse fiton ndaj Atalantës në Montjuïc dhe Liverpool-i humbet në Eindhoven. Në këtë rast, Barcelona do ta përfundonte grupin si lider.
Megjithatë, gjithashtu situata e Barcelonës mund të përkeqësohet. Atletico Madridi, Arsenali, Interi dhe Brest ende kanë mundësi të përfundojnë të dytët, nëse Barcelona humb ndaj bergamaskëve.
Verdiktet përfundimtare do të mësohen të mërkurën e ardhshme, më 29 janar, kur do të luhen 18 ndeshje të grupit në një orar të përbashkët, prej orës 21:00. Faza “play-off” do të zhvillohet më 11/12 dhe 18/19 shkurt, ndërsa 1/8 finale do të nisin në mars, me datat 4/5 dhe 11/12.
The post Ja kundërshtarët e mundshëm të Barcelonës në 1/8 finale të Ligës së Kampionëve appeared first on Telesport.