Janë përcaktuar çiftet gjysmëfinaliste të Grand Slam-it të Roland Garros. Në Paris, u luajtën edhe sfidat e fundit çerekfinale, ku emocionet nuk munguan. Numri 1 në botë për meshkuj, italiani Janik Sinner, fitoi me 3-0 në sete (6-1, 7-5, 6-0) ndaj Aleksander Bublik.
Përballë tij në gjysmëfinale do të jetë serbi Novak Gjokoviç. Ai arriti një fitore të vështirë por të merituar ndaj gjermanit Aleksander Zverev me shifrat 3-1 (4-6, 6-3, 6-2, 6-4).
Te femrat, Koko Gauf mundi me përmbysje 2-1 Madison Kejsin (6-7, 6-4, 6-1) në derbin amerikan, në një ndeshje emocionuese.
Në gjysmëfinale shkon edhe surpriza e këtij turneu Lois Boison, që mundi Mirra Andreeva-n me 2-0 në sete ose 7-6 dhe 6-3 në geme. Boison, numri 361 në botë, e nisi këtë turne me “wild card” (ftesë), por ka arritur të shkojë deri gjysmëfinale, ku do të përballet me Gauff.
The post Janik Siner në gjysmëfinale sfidon Novak Gjokoviçin appeared first on Alsat.