Vallja e Tropojës, apo me emrin e saj origjinal “K’cimi i Tropojës” nga sot e tutje do të jetë nën mbrojtjes e UNESCO-s pasi është pranuar si vlerë e trashëgimisë jo materiale të njerëzimit, transmeton TV21.
Lajmin e ka bërë të ditur ministri Blendi Gonxhja, i cili vlerëson se njohja e kësaj valleje, do të përçojë ritmet, emocionet e identitetit kombëtar shqiptar në nivel botëror si një thesar kulturor.
Njoftimi i Gonxhes:
“Lajm i jashtëzakonshëm për trashëgiminë kulturore shqiptare! 
“K’cimi i Tropojës” shpallet zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO!
Pas vlerësimit pozitiv nga Organizmi i Vlerësimit të UNESCO-s, gjatë sesionit të 19-të të Komitetit Ndërqeveritar për Ruajtjen e Trashëgimisë Kulturore Jomateriale, në Asuncion, Paraguaj, “K’cimi i Tropojës” është tashmë pjesë e Listës Përfaqësuese të Trashëgimisë Kulturore Jomateriale të Njerëzimit.
Një trashëgimi që përçon ritmet, emocionet dhe identitetin tonë kombëtar, tashmë të njohur në nivel global si një thesar kulturor. 
Një tjetër hap drejt lartësimit të vlerave kombëtare duke na bërë dhe me krenarë për vendin tonë! 
#MEKI #KCimiITropojës #UNESCO #TrashëgimiKulturore #KrenariKombëtare #Tropoja #ShqipëriaNëUNESCO“