Përpara ndeshjes së parë gjysmëfinale të Champions League kundër Arsenal, mesfushori i Atletico Madrid, Koke ndau ndjenjat, pritjet dhe gjendjen e tij mendore në prag të një prej ndeshjeve më të rëndësishme të sezonit.
Kapiteni i Atlético Madrid e përshkroi pritjen si një përzierje emocionesh dhe tensioni, duke e krahasuar afrimin ndaj ndeshjes me një “takim të parë”: një moment i mbushur me pritje, ku “ndjen një nyjë në stomak” dhe adrenalina vërshon, por që më pas ia lë vendin përqendrimit sapo hyn në fushë.
“Sapo të arrish nxehmjen, gjithçka kalon“, shpjegoi ai, duke theksuar se çelësi është të qëndrosh i qetë në një ndeshje të këtij kalibri.
Në një nivel teknik, Koke theksoi rëndësinë e një ekuilibri midis intensitetit dhe qartësisë, veçanërisht në një ndeshje që premton të vendoset nga detajet: “Niveli i ekipeve është jashtëzakonisht i lartë, duhet vëmendje e vazhdueshme dhe një kokë e ftohtë për të ditur kur të sulmosh dhe kur të mbrohesh“.
Spanjolli nuk e fsheh rëndësinë e garës, por hedh poshtë idenë se mund të jetë shansi i tij i fundit për të fituar Ligën e Kampionëve. “Po e shijoj jashtëzakonisht shumë; nuk ndodh çdo vit që të jepet mundësia të luash në një gjysmëfinale“, tha ai, duke shprehur entuziazëm dhe qetësi.
The post Koke: Shansi im i fundit për të fituar një Champions, ja çfarë duhet për të kaluar Arsenal appeared first on Telesport.