Kombëtarja U-16 për vajza u rendit në vendin e tretë në Divizionin C të Europianit të kësaj grupmoshe. Ky turne u zhvillua në Kosovë.
Shqipëria, e drejtuar nga trajneri Olsi Muça, arriti 3 fitore e 2 humbje në këtë turne. Në ndeshjet e Grupit B, vajzat kuqezi u renditën në vendin e dytë dhe siguruan të drejtën e kualifikimit në gjysmëfinale.
Në gjysmëfinale, Shqipëria u mund nga Qipro, por ditën e fundit të turneut fitoi 61-57 ndaj Maltës dhe siguroi vendin e tretë. Një hakmarrje kjo për vajzat kuqezi, që ishin mundur nga maltezet në grup.
Më herët, në dy takimet e para në grup, Shqipëria pat fituar ndaj Kosovës e Moldavisë. Fituese e këtij turneu u shpall Qipro.
Rezultatet e Shqipërisë
Gr.B, Shqipëri – Kosovë, 60-43
Gr.B, Shqipëri – Moldavi, 67-45
Gr.B, Shqipëri – Maltë, 41-69
1/2 finale
Shqipëri – Qipro, 56-90
Vendet 3/4
Shqipëri – Maltë, 61-57
The post Kombëtarja U-16 për vajza renditet e treta në Divizionin C në Kampionatin Europian appeared first on Telesport.