Trajneri i Borussia Dortmund, Niko Kovac, e cilësoi qasjen e tij ndaj futbollit si të suksesshme, në një intervistë me Sky Sports. Skuadra verdhezi do të debutojë sot në Bundesliga ndaj Hamburg, në shtëpinë e saj.
“Nëse dikujt i pëlqen stili im, kjo varet nga ai. Për mua, ne jemi të suksesshëm. Dhe mendoj se, së bashku, që kur erdhëm, kemi bërë një punë shumë të mirë. Si trajner, mendoj se duhet të shohësh se çfarë lloj lojtarësh ke, çfarë situate ke dhe duhet të përshtatesh gjithmonë,” tha Kovac.
“Arrita në një situatë të keqe. Skuadra ishte planifikuar me një mbrojtje me katër lojtarë, por pas dy ose tre ndeshjesh pamë se nuk po funksiononte, kështu që ndryshuam në mbrojtje me pesë lojtarë“, shtoi trajneri kroat.
Ai shton më tej: “Kjo ishte nga perspektiva taktike. Ajo që ishte gjithashtu e qartë ishte s e kapacitetet fizike, mënyra se si e shoh futbollin, mënyra se si e shoh një lojtar plotësisht në formë, nuk ishin aty. Kështu që punuam për këtë. Me ato aftësi fizike, je menjëherë një lojtar më i mirë futbolli.”
Kovac beson se duhet të ndodhin shumë gjëra për të ngushtuar diferencën me Bayern. Përveç që Dortmundi është në gjendje të luajë mbi veten e tij, Bayern duhet të bjerë nga forma e tij e zakonshme më e mirë. “Nuk më pëlqen të flas më parë dhe pastaj të punoj. Mendoj se e kundërta është më mirë”, tha Kovac.
The post Kovac optimist: Futbolli që po ofron Borussia është më i mirë se ai i dy viteve më parë appeared first on Telesport.