Pas dëmtimit të portierit të dytë, Kamil Grabara, i cili do të mungojë për një kohë të gjatë, Juventus u detyrua të rifutej në merkato dhe të transferonte Neto-n, ish-portierin e tyre, i cili ishte aktualisht pa skuadër dhe mund të thuhej se e kishte mbyllur me futbollin njëherë e mirë.
Në një intervistë për TuttoJuve.com, në miqësoren e sotme ndaj Cremonese, Neto tregoi si ndodhi rikthimi te Juventus.
“E vërteta është se, falë Zotit, ndodhesha në një situatë ku po shijoja jetën me familjen time, ku kisha nevojë të gjeja kohë për veten dhe ia dola të krijoja pak hapësirë personale. E vërteta është se e mora lajmin ndërsa po ndiqja ndeshjen e Kupës Davis mes Brazilit dhe Zvicrës, dhe fillova të mendohesha sërish. Kur ke mundësinë të kthehesh në një vend që e njeh, padyshim që të duhet më pak kohë për t’u përshtatur”, tha Neto.
“Kjo javë ka qenë e dobishme për mua që të përballoj këtë ngarkesë pune dhe të përgatis trupin të jetë gati. Besoj se nga e marta do të jem në dispozicion të trajnerit, më pas i takonit stafit teknik për të vendosur”, shtoi portieri brazilian.
The post “Kur më telefonuan, po ndiqja Kupën Davis”, përforcimi i fundit i Juventusit flet për transferimin surprizë appeared first on Telesport.