Lucas Paqueta rrezikon tē përjashtohet përjetë nga futbolli nëse gjyqi final me Federatën Angleze nuk do t’i japë të drejtë versionit të brazilianit. Futbollisti i West Ham akuzohet se ka vendosur baste mbi kartonët e tij të verdhë dhe kjo përbën shkeljen më të rëndë duke trukuar një ndeshje futbolli.
Sipas The Daily Mail, çështja kundër Paqueta po vlerësohet sipas standardit të së drejtës civile të provës, i njohur si “balanca e probabiliteteve”, në vend të kërkesës më të rreptë “përtej një dyshimi të arsyeshëm” që përdoret në çështjet penale.
Kjo do të thotë se Federata e Futbollit (FA) duhet vetëm të vërtetojë se ka më shumë gjasa se jo që 27-vjeçari të ketë kërkuar qëllimisht kartonat e verdhë për të manipuluar tregjet e basteve dhe praktikisht trukuar ndeshjet ku ka luajtur.
Drejtuesit e West Ham e kanë kritikuar procesin, duke e quajtur “të egër” dhe “shumë të gabuar” që e gjithë karriera e një lojtari mund të rrezikohet nga një vendim i marrë me një probabilitet margjinal prej 51 për qind. Komisionet Rregullative të FA trajtojnë raste të tilla sipas këtij standardi civil, duke e bërë atë një pengesë të rëndësishme për ta kapërcyer për klubin dhe lojtarin.
FA e akuzoi zyrtarisht Paquetën për sjellje të pahijshme në maj 2024, duke pretenduar se ai mori me dashje kartona të verdhë në katër ndeshje të veçanta të Premier League për të lehtësuar fitimet e basteve. Këto incidente thuhet se kanë ndodhur në ndeshjet kundër Leicester City në nëntor 2022, Aston Villa në mars 2023, Leeds United në maj 2023 dhe Bournemouth në gusht të të njëjtit vit.
The post Lucas Paqueta rrezikon tē përjashtohet përjetë nga futbolli! appeared first on Telesport.