Rhodri Giggs do të martohet për herë të dytë, 14 vite pas skandalit me vëllain e tij, Ryan Giggs, ish-ylli i Manchester United, i cili pranoi se kishte pasur lidhje me ish-kunatën. Sipas “Daily Mail”, Rhodri, 49 vjeç, është në një lidhje mbi 1-vjeçare me Victoria Phillips dhe i ka propozuar martesë muajin e kaluar.
Rhodri u bë i njohur më 2011 kur doli në dritë se Natasha, bashkëshortja e tij, kishte pasur marrëdhënie jashtëmartesore me vëllain e tij, Ryan, që filloi më 2003, duke shkatërruar familjen “Giggs” dhe shkaktuar divorcet. Afera ishte e fshehur për Rhodri dhe gruan e Ryan, Stacey.
Ryan Giggs, i njohur për jetën e tij të komplikuar dashurore, u arrestua më 2020 për dy akuza ndaj ish-partneres së tij dhe u shpall i pafajshëm më 2023. Ai vetë e përshkroi veten si “mashtrues në dashuri” dhe si njeri që nuk mund t’i rezistojë një gruaje tërheqëse.
Rhodri ka mohuar se e ka shitur historinë e aferës në media dhe thekson se nuk është i hidhëruar: “Një ditë mund të kisha zbuluar histori që do ta fundosnin vëllain tim, por nuk dua ta bëj”.
The post Mbyllet skandali i “mashtruesit në dashuri”, Ryan Gigs. Ish-ylli i Manchester United tradhtoi me kunatën e tij appeared first on Telesport.