Ka kaluar më shumë se një muaj që kur Koreja e Veriut hapi Zonën Turistike Bregdetare Wonsan Kalma – dhe megjithëse është promovuar si një destinacion për turistët ndërkombëtarë, deri tani vetëm grupe të përzgjedhura rusësh kanë pasur mundësinë ta vizitojnë.
Detajet rreth mënyrës se si është ndërtuar kjo zonë janë mbajtur të fshehta, ndërsa organizatat për të drejtat e njeriut e kanë kritikuar ashpër për trajtimin e punëtorëve, duke përfshirë pretendime për punë të detyruar, kushte të vështira, orë të gjata pune dhe dëbimin e banorëve vendas nga shtëpitë e tyre.
Njëra nga turistet që e vizitoi zonën ishte Anastasia Samsonova, e cila tha se kishte disa kufizime që grupet turistike duhet të respektonin.
Anastasia tregoi se grupit të saj iu kërkua të mos fotografonin zonat në ndërtim e sipër dhe të shmangnin veshjet që ekspozojnë trupin.
Ajo shtoi se udhërrëfyesit i kishin thënë se rojet ishin të nevojshme për të “parandaluar situata ku ndërvepronim me vendasit dhe i tronditnim ata”.
Megjithatë, pavarësisht kufizimeve, ajo tha se kishte “shijuar një pushim pa njerëz”.