Rendi i vjetër botëror, me të cilin Perëndimi është mësuar, ka mbaruar tashmë, tha kancelari gjerman Friedrich Merz në një konferencë ekonomike të organizuar nga gazeta Süddeutsche Zeitung, raportoi Agjencia Anadolu.
Merz theksoi se ende nuk është e qartë se si do të duket rendi i ri, por se ai mund të formohet vetëm “së bashku me fqinjët tanë evropianë”.
Në të njëjtën kohë, Kancelari theksoi se vetë Gjermania po përballet me sfida të papara – ndoshta më të larmishmet në historinë e pasluftës së vendit.
Midis tyre, Merz përmendi konfliktin në Ukrainë, marrëdhëniet me Kinën dhe mosmarrëveshjet tregtare me Shtetet e Bashkuara.
Sipas tij, BE-ja duhet të transformohet për shkak të sfidave në rritje ndaj sigurisë ndërkombëtare, dhe Gjermania duhet të marrë përsipër “përgjegjësi më të mëdha” për Evropën.
The post Merz: Rendi i vjetër botëror ka mbaruar appeared first on Alsat.