Bashkëkryetari i VLEN-it, Izet Mexhiti, vlerëson si të mirë bashkëpunimin me VMRO-DPMNE-në pas më shumë se dy vitesh në pushtet. Por, përtej marrëdhënieve të mira mes partnerëve të koalicionit, mbetet pyetja se çfarë kanë përfituar konkretisht shqiptarët nga kjo qeverisje.
Mexhiti ka deklaruar se gjatë bashkëqeverisjes ka pasur përplasje dhe dallime në qëndrime, por sipas tij, ato janë tejkaluar përmes komunikimit dhe argumenteve.
Megjithatë, deklaratat për partneritet të suksesshëm nuk e shmangin nevojën për të vlerësuar rezultatet e qeverisjes dhe realizimin e premtimeve të dhëna elektoratit shqiptar.
Përfaqësimi i drejtë në institucione, punësimet, zhvillimi ekonomik dhe përmirësimi i pozitës së shqiptarëve vazhdojnë të jenë çështje që kërkojnë përgjigje konkrete nga funksionarët e VLEN-it.
Në këtë kontekst, marrëdhëniet e mira me partnerin maqedonas nuk mund të jenë i vetmi tregues i suksesit politik të VLEN-it.
Elektorati shqiptar pret që pjesëmarrja në pushtet të sjellë ndryshime të prekshme në jetën e qytetarëve, e jo vetëm stabilitet në marrëdhëniet brenda koalicionit.
Mexhiti mund të jetë i kënaqur me bashkëpunimin me VMRO-DPMNE-në, por a janë të kënaqur edhe shqiptarët me rezultatet e këtij bashkëpunimi?
The post Mexhiti lavdëron VMRO-në, por shqiptarët çfarë fituan? first appeared on .