Zharko Grozdanoski, mjek anesteziolog i punësuar në Spitalin Klinik të Tetovës, dyshohet se ka vrarë Klime Mitrevski për shkak të një pasurie me vlerë mbi një milion euro në qendrën e vjetër të Ohrit, pas një marrëveshjeje të mëparshme për përkujdesje të përjetshme.
Policia kriminale pranë SPB Ohër e zbardhi vrasjen e Klime Mitrevskit, pronar i objektit hotelierik “Klimentov Konak” në pjesën e vjetër të Ohrit, brenda më pak se 12 orësh. Autori u identifikua dhe u arrestua menjëherë pas kryerjes së krimit.
Për vrasjen dyshohet Zharko Grozdanoski nga Bërvenica e Tetovës, specialist anesteziolog dhe i punësuar në Spitalin Klinik të Tetovës.
Sipas hetimeve, Grozdanoski dhe Mitrevski kishin lidhur më parë një kontratë për përkujdesje të përjetshme, me të cilën Grozdanoski ishte zotuar ta kujdesej dhe ta mbante Mitrevskin, në këmbim të trashëgimisë.